Ndërsa po diskutohet për “Projektligjin për Tatimin në pronë”, opozita është shfaqur shumë kritike ndaj qeverisë, duke thënë se ndryshimet nuk janë për të mirën e qytetarëve. Ministri Hekuran Murati i ka cilësuar këto të pavërteta, shkruan Fol Drejt.
Ministri i Financave, Hekuran Murati tha se ky projektligj parasheh reduktimin çmimit të banesave. Ai tha se përveç faljes së vlerës deri në 100 euro për tatimin në pronë për vitin 2023, Projektligji për Tatimin në pronë parasheh uljen e çmimit të banesave nga viti 2025 përmes aplikimit të taksës progresive.
“Me këtë projektligj, çfarë kemi propozuar është që për vitin aktual të zvogëlohet barra e tatimpaguesve për secilin deri në 100 euro. Kjo pra prek 95 për qind të qytetarëve”, tha ai ndër të tjera.
Sipas tij “me periudhën kalimtare për vitin e ardhshëm ku pragu prej 0.15 për qind ulet në 0.10 për qind për të gjithë. Dhe, për vitin 2025 e tutje, është propozu që të ketë tatim progresiv, pra të përshkallëzuar, e ku me lirimet e përshkuara për pronën primare duhet të arrihet vlera prej 275 mijë euro e pronës, në mënyrë që të fillojë të paguhet më shumë. Pra kushdo që është nën 275 mijë të vlerës së pronës, i bie të paguajë më pak”, tha ndër të tjera ai.
Projektligji, sipas tij, do të ndikojë edhe në uljen e çmimeve të banesave.
Opozita, përndryshe, sot ka thënë se nuk do t’i mbështes projektligjet e propozuara në parlament, ndërsa po kërkon që vendi të shkojë në zgjedhje të parakohshme parlamentare./FolDrejt/
