Pronari i Twitter, Elon Musk, ka thënë se ka gjetur kandidatin e duhur për postin e CEO të këtij rrjeti social, por nuk ka bërë të ditur se për kë bëhet fjalë.
“Jam i ngazëllyer të njoftoj se kemi një CEO të ri në Twitter. Ajo fillon për rreth gjashtë javë,” shkroi Musk në Twitter, përcjell Fol Drejt.
Musk konfirmoi se ai do të marrë përsipër punën e “kryetarit ekzekutiv dhe zyrtarit kryesor teknik për mbikëqyrjen e produkteve, softuerëve dhe sistemeve”, raportoi Reuters.
WSJ: Linda Jaccarino në bisedime për CEO të Twitter
Presidentja e reklamave dhe partneriteteve globale në NBC Universal, Linda Jaccarino, është në negociata për t’u bërë CEO e re e Twitter, ka mësuar The Wall Street Journal.
Jaccarino ka punuar në NBCU për më shumë se një dekadë, ku ajo ka qenë një avokate për gjetjen e mënyrave më të mira për të matur efektivitetin e reklamave, sipas gazetës amerikane.
Ajo ishte gjithashtu një nga lojtarët kryesorë në fillimin e shërbimit të transmetimit Peacock. Pronari i Twitter, Elon Musk, ka bërë të ditur mbrëmë se ka gjetur kandidatin e duhur për postin e drejtorit ekzekutiv të këtij rrjeti social, por nuk ka bërë të ditur se për kë bëhet fjalë. “Jam i ngazëllyer të njoftoj se kemi një CEO të ri në Twitter. Ajo fillon për rreth gjashtë javë,” shkroi Musk në Twitter./FolDrejt/
