Myftinia Dibër ka ftuar ndjekësit e saj që të jenë të qetë dhe ta tejkalojnë situatën me durim.
“Të nderuar qytetarë,
edhe keto momente Shtabi Operativ Komunal – Dibër (SHOKD) është plotësisht me të gjitha energjitë në shërbim të qytetarëve. Kësaj gjendjeje të jashtëzakonshme ju bashkangjitën të gjithë, gjithësecili me mundësitë dhe solidaritetin e vet. Nuk duhet lenë pa përmendur, duke u shprehur falenderime të thella shpirtërore, morale, motivuese stafit mjeksor të qytetit tonë. Gjendja padyshim është lehtë e përballueshme nëse ndiqen rekomandimet e ekipit të emergjencës. Ndajmë edhe një shqetësim kur edhe në keto momente dikush alarmon individualisht gjëra të paqena, që nuk janë në të mirë të shëndetit psikologjik të qytetarëve. Me vullnet, bashkëpunim, durim e qëndrueshmëri me besim në Zot e mbështetje tek i Gjithëpushtshmi gjithçka do kaloj!,” shkruan mes tjerash Myftinia Dibër./Foldrejt.com
