Chelsea nuk ka mundur dot të sigurojë fitoren ndaj Southampton, teksa u mposhtën me përmbysje 2-1 në sfidën e javës së 5-të të Premier League.
Një humbje që sigurisht ka irrituar pamasë trajnerin e bluve të Londrës, i cili pas ndeshjes do të shprehej me tone të larta ndaj të tijve për këtë disfata.
Thomas Tuchel do të theksonte ndër të tjera se me humbje të tillë nuk mund të pretendohet për të fituar titullin kampion.
“Më duket sikur në transfertë jemi shumë të lehtë dhe nuk jemi në gjendje t’i fitojmë ndeshje të tilla. Kjo humbje ngjason shumë me atë ndaj Leeds. Për kundërshtarët duket shumë e lehtë të na bëjnë konfuzë në fushën e lojës, duhet ta kuptojmë këtë pjesë dhe të punojmë për ta rregulluar.
Humbasim përqendrimin dhe planin tonë të lojës, më duket sikur është shumë e lehtë që të na mundin. Na duhet një mentalitet më i fortë, të paktën në mbrojtje. Nuk duhet të pësonim asnjë prej golave, kjo humbje duhej evituar nëse pretendojmë që në fund të mund të fitojmë Premier League”, u shpreh Tuchel. /abcnews.al
