Kompania e energjisë ukrainase Naftogaz tha se Rusia sulmoi objektet e naftës dhe gazit ukrainas në lindje të vendit gjatë natës, shkruan Al Jazeera, transmeton Fol Drejt.
“Raketat e armikut goditën një nga objektet në rajonin e Kharkiv. Në vendngjarje ka shpërthyer një zjarr në shkallë të gjerë, aktualisht po punohet për eliminimin e tij. Nuk ka viktima”, thuhet në një deklaratë të kompanisë.
Oleksiy Chernyshov, shefi ekzekutiv i Naftogaz, tha se dëmi do të vlerësohet pasi shërbimet e urgjencës të kenë përfunduar punën e tyre dhe se çdo gjë e dëmtuar do të restaurohet.
Chernyshov tha në fillim të këtij muaji se sulmet ruse në Ukrainë kishin dëmtuar 350 objekte të gazit natyror, por prodhimi duhet të rikthehet deri në fund të vitit.
Ai tha se humbja e kapacitetit të prodhimit të gazit arriti në rreth 700 milionë dollarë./FolDrejt/
