Për grevën e punonjësve të arsimit që u paralajmërua nga SBASHK, Ministrja e Arsimit, Shkencës, Teknologjisë dhe Inovacionit, Arbërie Nagavci, sot se një gjë e tillë dëmton nxënësit.
“Kemi ndjekur deklarimet e ditëve të fundit që Sindikata e Arsimit ka paralajmëruar grevën më 25 gusht, duke e pranuar se e njohim organizimin sindikal, kërkesat për kushte më të mira të punës, vetë këto që i përmenda janë disa nga veprimet që i kemi ndërmarrë që të lehtësohet puna e mësimdhënësve. Mosmbajtja e mësimit i dëmton më së shumti nxënësit dhe shkel të drejtën e tyre për arsim. Humbja e mësimit është cenim i së drejtës themelore e fëmijëve për arsim dhe për ne është e papranueshme sepse në vazhdimësi po punojmë që të ofrojmë mbështetje për mësimdhënësit dhe përmirësimin e rezultateve në arsim”, tha ajo në një k0nferecnë për media.
Ajo bëri thirrje që të reflektohet dhe të mos dëmtohet e ardhmja e fëmijëve.
SBASHK ka paralajmëruar se mësimdhënësit do të hyjnë në grevë nga 25 gushti. Ata po kërkojnë nga 100 euro shtesë deri në miratimin e Ligjit për Pagat./21Media/
