Muslimanët mezi presin ardhjen e Natës së Kadrit, ose Natës së Përcaktimit, përcjell Fol Drejt.
Kjo natë është një nga më të dashurat në fenë Islame.
Ngjarja e shumëpritur shënon natën e shpalljes së parë të Kuranit, librit të shenjtë mUsliman, Profetit Muhamed.
Muhamedi citohet të ketë thënë: “Kërkoni Natën e Kadrit në 10 netët e fundit të Ramazanit”, që do të thotë se ndonjë nga 10 netët e fundit mund të jetë Nata e Kadrit.
Prandaj, data e saktë mbetet e panjohur, por Nata e Kadrit besohet gjerësisht të jetë nata e 27-të e Ramazanit dhe festohet në atë natë. Në shumë vende, festohet më 27 Ramazan.
“Nata e Kadrit është më e mirë se një mijë muaj”, nga një ajet në Kuran e bën natën edhe më të rëndësishme.
Muslimanët mblidhen për lutje kolektive dhe recitojnë Kur’an së bashku atë natë.
“Kushdo që qëndron zgjuar (në lutje dhe përkujtim të Allahut) në Natën e Kadrit, duke besuar plotësisht (në premtimin e Allahut për shpërblim) dhe duke shpresuar të kërkojë shpërblim, atij do t’i falen mëkatet e tij të kaluara”, citohet gjithashtu të ketë thënë Muhamedi.
Ajo është e njohur edhe si “Nata e Kadrit”, “Nata e Dekretit”, “Nata e Përcaktimit” dhe “Nata e Çmuar”.
Muslimanët besojnë se kjo natë gjendet në pesë netët e fundit me numër tek në Ramazan — 21, 23, 25, 27 ose 29 — ku nata i paraprin ditës.
Disa studiues nënvizojnë se në rast se një natë e premte përkon me një natë me numra tek, ka të ngjarë të jetë Nata e Kadrit. /FolDrejt/
