Udhëheqësit e NATO-s kanë thënë se do të dërgojnë më shumë trupa në Evropën Lindore pas pushtimit të Rusisë.
“Askush nuk duhet të mashtrohet nga breshëria e gënjeshtrave të qeverisë ruse”, thonë 30 liderët në një deklaratë të përbashkët.
NATO i bën thirrje Moskës që të tërheqë të gjitha forcat e saj nga Ukraina dhe “të kthehet prapa nga rruga e agresionit që ka zgjedhur”, shkruan BBC, transmeton Klankosova.tv.
“Vendimi i Presidentit Putin për të sulmuar Ukrainën është një gabim i tmerrshëm strategjik, për të cilin Rusia do të paguajë një çmim të rëndë, si ekonomikisht ashtu edhe politikisht, për vitet në vijim”, thuhet në deklaratë.
Për dërgimin e trupave në Evropën Lindore, NATO thotë se “do të bëjë të gjitha dislokimet e nevojshme për të siguruar parandalim dhe mbrojtje të fortë dhe të besueshme”.
“Masat tona janë dhe mbeten parandaluese, proporcionale dhe jo shkallëzuese”, shton ai.
