Në selinë e NATO-s sot do të diskutohet për situatën në Kosovë.
Kjo do të bëhet pas sulmit terrorist në Banjskë të Zveçanit më 24 shtator, përcjell Fol Drejt.
Këtë e ka bërë të ditur sekretari i Përgjithshëm i kësaj organizate, Jens Stoltenberg.
Ai, dje në nisje të takimit dyditor të ministrave të Mbrojtjes së vendeve anëtare të NATO-s në Bruksel, ka theksuar rëndësinë e rritjes së pranisë së NATO-s në Kosovë, pas rritjeve të tensioneve në veri të vendit.
