“Referendumet e rreme në Ukrainë janë një shkelje e hapur e ligjit ndërkombëtar.” Kështu është shprehur të martën pasdite Sekretari i Përgjithshëm i NATO-s, Jens Stoltenberg.
“Referendumet e rreme të mbajtura nga Rusia nuk kanë legjitimitet dhe janë shkelje e hapur e ligjit ndërkombëtar. Këto toka janë Ukraina”, shkroi shefi i NATO-s në Twitter.
Stoltenberg tha se sapo kishte folur me presidentin ukrainas Volodymyr Zelensky, me të cilin “e bëri të qartë se aleatët e NATO-s janë të palëkundur në mbështetjen e tyre për sovranitetin dhe të drejtën e Ukrainës për vetëmbrojtje”.
Just spoke with President @ZelenskyyUa & made clear that #NATO Allies are unwavering in our support for #Ukraine’s sovereignty & right to self-defence. The sham referenda held by #Russia have no legitimacy & are a blatant violation of international law. These lands are Ukraine.
— Jens Stoltenberg (@jensstoltenberg) September 27, 2022
Ndërkohë, sipas agjencisë ruse të lajmeve RIA, pjesa dërrmuese e qytetarëve që jetojnë në rajonet e pushtuara të Ukrainës kanë votuar “pro” bashkimit me Rusinë.
Të ashtuquajturit referendume janë mbajtur në katër rajone të Ukrainës që janë aktualisht nën kontrollin e Rusisë, në përpjekje për të legjitimuar veprimet e tyre në zonat e pushtuara. Si Perëndimi ashtu edhe Ukraina i kanë cilësuar votimet si të pavlefshme ndërsa nuk kanë munduar raportimet se ukrainasit në fakt po votojnë të shantazhuar për bukën e gojës apo edhe nën kërcënimin e armës. /abcnews.al/
