Franco Frattini, i cili mbajti pozitën e ministrit të Jashtëm të Italisë, bashkë me disa poste të tjera në kabinet, ndërroi jetë të shtunën në moshën 65-vjeçare, njoftuan mediat italiane.
Frattini prej disa kohësh ishte i sëmurë me kancer dhe dje vdiq në një spital të kryeqytetit italian.
Ishte ministër i Jashtëm nën qeveritë e kryesuara nga kryeministri Silvio Berlusconi 2002-2004 dhe 2008-2011 dhe mbajti dy poste të tjera në kabinet në qeveritë e drejtuara nga Berlusconi dhe Lamberto Dini në vitet 1990.
Në prill të vitit 2010, Frattini kishte edhe vizituar Kosovën, ku ishte takuar me ish-kryeministrin Hashim Thaçi për të diskutuar mbi zhvillimet në Kosovë dhe rajon dhe bashkëpunimin ndërmjet Kosovës dhe Italisë./FolDrejt/