Një gjykatë në Rio Grande të Brazilit ka lëshuar një urdhër arresti për Douglas Costa, një ish-lojtar i Bajernit dhe Juventusit, pasi dyshohet se nuk i ka paguar alimentacionin ish-gruas së tij, raporton Klix, përcjell Fol Drejt.
Për shkak të kësaj, ai përballet me një vit burg dhe ka mundësi që të arrestohet në Los Angeles, ku aktualisht luan për Galaxy.
Skuadra e avokatëve të futbollistit brazilian ka shpallur ankesë ndaj këtij vendimi. Costa u largua nga Juventusi për në Shtetet e Bashkuara vitin e kaluar.
Përveç Juventusit dhe Bayernit, Costa luajti për Shakhtarin dhe Gremion në vendlindje, ku hodhi hapat e parë në futboll.
Ai shënoi tre gola në 31 ndeshje të luajtura për kombëtaren braziliane.
Një tjetër futbollist i njohur është në një situatë shumë më të keqe se ai dhe është Quincy Promes.
Holandezi akuzohej se kishte importuar 1300 kilogramë kokainë, për të cilën së shpejti do të dalë para gjykatës. Të hënën ai do të paraqitet në seancën paraprake pasi dyshohet si i përfshirë në trafik droge dhe pjesëmarrje në organizatë kriminale. /FolDrejt/
