Një grua nga Malisheva ka ndërruar jetë pas trajtimit që mori te një dentist, ndërkohë që e gjithë familja e saj ka mbetur e shokur nga fatkeqësia, përcjell Fol Drejt.
Në një prononcim për Klan Kosovën, një familjar i së ndjerës ka treguar se nipi dhe nusja (viktima) kishin ardhur për pushime në Kosovë dhe se kishin vetëm edhe dy ditë për t’u kthyer sërish në Itali.
“Ka shkuar te dentisti për ta hequr dhëmbin. Në momentin kur i ka dhënë injeksionin, ajo aty është ënjtur dhe nuk ka mundur të flasë më absolutisht. Veç me dorë ka reaguar dhe i ka humbur ndjenjat në ordinancë”.
“E kanë dërguar me emergjencë për Prishtinë, qysh flitet pa shenja jete e kane çuar atje. Ajo sëmurë s’ka qenë asnjëherë, kurrë s’ka pasur ndonjë sëmundje”.
“I ka marr në qafë fëmijët jetimë – të madhin 10 vjeç, më të voglin 5 vjeç”, deklaroi Shala.
Tutje ai shtoi bashkëshorti i së ndjerës është i shokuar dhe ndjehet shumë keq, dhe se me dentistin në fjalë nuk kanë pasur punë më herët, veçse e kanë dëgjuar si emër.
“Mjekësia nuk ka kujdes absolutisht, veç paret me t’i marr. Ishalla drejtësia e çon punën e vet në vend dhe të marrin masa që të mos ndodhin gjëra të tilla në të ardhmen”.
Familjari i së ndjerës bëri të ditur se e kishin lajmëruar që obduksioni tashmë është kryer dhe se janë duke u marrë vesh për orën e varrimit, shkruan klankosova, përcjell Fol Drejt.
