Grant Wahl, 48 vjeç, u rrëzua kur filloi koha shtesë në ndeshjen Argjentinë-Holandë të premten mbrëma, shkruan BBC, transmeton Fol Drejt.
Raportet e para sugjerojnë se ai mund të ketë pasur një atak në zemër, por kjo ende nuk është konfirmuar zyrtarisht.
Në një deklaratë, Federata e Futbollit të SHBA tha se ishte “zemërthyer” nga lajmi.
“Tifozët e futbollit dhe gazetarisë së cilësisë më të lartë e dinin se ne gjithmonë mund të mbështeteshim te Grant për të ofruar histori të detajuara dhe zbavitëse rreth lojës sonë dhe protagonistëve të saj kryesorë,” tha Federata.
Në një postim në Twitter, gruaja e Wahl, Céline Gounder, tha se ishte në “shok të plotë”, duke shtuar se ishte “shumë mirënjohëse” për mbështetjen që kishte marrë nga miqtë.
Wahl festoi ditëlindjen e tij të 48-të të enjten me miqtë në Katar, një ditë para se të rrëzohej. Ai shkroi në faqen e tij të hënën se nuk ishte mirë në 10 ditët e fundit dhe ishte në një kurs antibiotikësh për bronkit të dyshuar./FolDrejt/
