Ka ndërruar jetë në moshën 56-vjeçare ish-basketbollisti amerikan Felton Spencer, është bërë e ditur sot në faqen zyrtare të NBA-së.
Spencer ka lindur më 5 janar 1968 në Louisville. Ai luajti në kolegj në Louisville dhe u zgjodh me zgjedhjen e gjashtë në draftin e NBA të vitit 1990 nga Minesota.
Spencer luajti për Minesota, Utah, Orlando, Golden State dhe San Antonio, dhe përfundoi karrierën e tij si lojtar në Nju Jork në 2002. Gjatë karrierës së tij në NBA, ai kishte mesatarisht 5.2 pikë dhe kishte 5.4 kërcime për lojë, transmeton Fol Drejt.
