Shumë nga futbollistët më të mirë të vendit, duke përfshirë Mohamed Salah të Liverpool-it, Riyad Mahrez të Manchester City-t dhe Ngolo Kante të Chelsea-t, pritet të agjërojnë këtë muaj dhe të abstenojnë nga ushqimi dhe pijet gjatë ditës gjatë periudhës së rëndësishme për muslimanët, raporton Klix, përcjell Fol Drejt.
Siç dihet, iftar bëhet pasi ka perënduar dielli dhe kjo do të prekë shumë lojtarë që do të marrin pjesë në ndeshjet e mbrëmjes gjatë muajit të ardhshëm.
Zyrtarët e ndeshjeve tani janë udhëzuar nga organet e arbitrazhit që të lejojnë një pushim të natyrshëm në lojë, në mënyrë që lojtarët të mund të bëjnë iftar duke marrë lëngje ose xhel energjie ose suplemente ushqimore.
Ata gjithashtu inkurajohen përpara fillimit të ndeshjes që të përpiqen të identifikojnë lojtarët që mund të kenë nevojë të bëjnë iftar gjatë ndeshjes dhe, kur është e mundur, të bien dakord për një kohë paraprake për ta bërë këtë.
Ramazani është muaji i nëntë i kalendarit islamik, të cilin muslimanët në mbarë botën e festojnë si muaj agjërimi, lutjeje, reflektimi dhe bashkësie. Nis nesër në mbrëmje dhe zgjat deri më 21 prill.
Kujtojmë se dy vite më parë ndeshja mes Leicesterit dhe Crystal Palace u ndërpre në mesin e ndeshjes në mënyrë që lojtarët të bënin iftar dhe ishte rasti i parë i tillë në Premiership.
Me atë rast, të dy klubet ranë dakord para ndeshjes me gjyqtarin Graham Scott se do të kishte një pushim në lojë në mënyrë që Wesley Fofana dhe Cheikhou Kouyate të mund të bënin iftar.
Vicente Guiata më pas vonoi golin pas gjysmë ore lojë për të lejuar Fofana dhe Kouyate të merrnin xhel energjie në vijën e lojës.
Fofana më vonë shfrytëzoi rrjetet sociale pas ndeshjes për të falënderuar Guiata, Palace dhe Premiership që e lejuan atë të bënte iftar, duke thënë: “Kjo është ajo që e bën futbollin të bukur”. /FolDrejt/
