Sipas Institutit Hidrometeorologjik të Kosovës (IHK), kjo javë premton mot kryesisht të qetë dhe me shumë orë me diell, transmeton Fol Drejt.
Vranësirat do të shfaqen më shumë në relievet malore, ku atje nuk përjashtohet mundësia për ndonjë rigë të izoluar.
Sipas IHK-së temperaturat deri ditën e premte, nuk do të jenë të larta, por gjithnjë duke respektuar mesataret e muajit korrik. Nga fundjava parashihen serish valë e të nxehtit Afrikan.
Temperaturat minimale gjatë kësaj periudhe pesëditëshe do të lëvizin ndërmjet 8-12 gradë Celsius, ndërsa maksimalet e ditës parashihen të lëvizin ndërmjet 21-29 gradë Celsius.
Era do të vazhdoj ta mbaj drejtimin e veriut dhe verilindjes , e lehtë dhe mesatare. Indeksi UV do të mbetet në vlerat e rrezikut, prandaj këshillat e IKSHP dhe të IHMK mbeten në fuqi.
Reshjet e fundit që u regjistruan pothuaj në gjithë territorin e Kosovës, në jugugperëndim dhe juglindje më shumë , e në pjesët tjera më pak, kanë ndikuar shumë pozitivisht në përmirësimin e kushteve biometeorologjike, agrometeorologjke si dhe kanë zbutur situatën me ujë për pije në liqenet tona akumuluese. /FolDrejt/
