Në fushatën “Turqi Një Zemër” që u zhvillua në transmetim të përbashkët në ekranet e televizioneve dhe radiove për tërmetin me qendër në Kahramanmaraş, u arrit shifra e donacioneve në 115 miliardë e 146 milionë e 528 mijë lira (rreth 5.75 miliardë euro), shkruan AA.
Përfundoi transmetimi i përbashkët për të mbledhur donacione për të prekurit nga tërmeti me qendër në Kahramanmaraş i cili u zhvillua në 562 radio dhe 213 kanale televizive jashtë dhe brenda vendit kryesisht në TRT1, ATV, FOX, Kanal D, Kanal 7, Show TV, Star TV dhe TV8.
Në fushatë krahas shumë politikanëve, biznesmenëve dhe artistëve nga e gjithë Türkiye dhe jashtë saj morën pjesë edhe emra kryesorë nga bota e sportit dhe burokracisë.
Shuma e donacioneve të mbledhura në fushatë arriti në 115 miliardë e 146 milionë e 528 mijë lira (rreth 5.75 miliardë euro), ndërsa numri i mesazheve (SMS) të dërguara arriti në 9 milionë e 10 mijë./FolDrejt/
