Në Yeysk (Territori Krasnodar i Federatës Ruse) një aeroplan ushtarak u rrëzua në një ndërtesë banimi, shkruan The Kyiv Independent, përcjell Fol Drejt.
Fotot dhe videot janë publikuar nga kanalet ruse në Telegram. Ministria e Emergjencave raporton dy të vdekur dhe 15 të shtruar në spital.
Propagandistët rusë, duke iu referuar shërbimit dispeçer të Yeysk, raportojnë se një avion ushtarak Su-34 ra në një ndërtesë të lartë. Ngjarja u komentua nga Ministria e Mbrojtjes së vendit agresor. Raportohet se teksa po ngjitej gjoja për një “fluturim stërvitor” nga fusha ajrore ushtarake e Qarkut Ushtarak Jugor, një Su-34 u rrëzua. Pilotët u hodhën dhe pretendojnë se shkaku i rrëzimit ishte ndezja e supozuar e njërit prej motorëve gjatë ngritjes. Në shumë video dëgjohen shpërthime, të ngjashme me tingujt e shpërthimit të municioneve. Sipas Ministrisë Ruse të Situatave Emergjente, zona e zjarrit në një ndërtesë banimi në Yeysk pas rrëzimit të avionit është 2000 metra katrorë, duke u djegur nga kati i parë deri në katin e pestë. /FolDrejt/
