Qeveria australiane do të ofrojë një paketë të re ndihme për Ukrainën me vlerë 110 milionë dollarë australianë (67.6 milionë euro), duke përfshirë 70 automjete ushtarake për t’u mbrojtur kundër një pushtimi rus, tha të hënën kryeministri Anthony Albanese, përcjell Fol Drejt.
Paketa do të përfshijë 28 automjete të blinduara M113, 14 automjete të operacioneve speciale, 28 kamionë dhe 14 rimorkio.
“Australia është e palëkundur në vendosmërinë e saj për të dënuar dhe kundërshtuar veprimet e Rusisë dhe për të ndihmuar Ukrainën të arrijë fitoren,” tha Albanese.
Australia do të zgjasë gjithashtu aksesin pa doganë për mallrat e importuara nga Ukraina për 12 muaj të tjerë për të mbështetur rimëkëmbjen e saj dhe mundësitë tregtare, thuhet në deklaratë.
Angazhimet shtesë e sjellin kontributin total të Australisë në mbështetjen për Ukrainën në 790 milionë dollarë Australianë, përfshirë 610 milionë dollarë ndihmë ushtarake.
Albanese shtoi se paketa e re e ndihmës u përgatit përpara lajmit se mercenarët morën kontrollin e qytetit rus të Rostovit të shtunën, në një nga sfidat më të mëdha ndaj pushtetit të presidentit Vladimir Putin që nga fillimi i luftës vitin e kaluar. /FolDrejt/
