Pritjet e mërgimtarëve për të dalë nga Kosova tek pikëkalimi kufitar në Merdare janë deri në tetë orë.
Sipas Qendrës Kombëtare për Menaxhim Kufitar, për të dalë nga Kosova për në Serbi, përmes pikës kufitare në Merdare pritjet janë nga 420 deri në 480 minuta, apo afër tetë orë.
Ndërsa, kolona në këtë pikëkalim kufitar është deri në tre kilometra.
Kurse, në Mutivodë, Muçibabë e tek Dheu i Bardhë, pritjet për të dalë nga Kosova janë deri në dy orë.
Pritjet për të hyrë në Kosovë nëpër të gjitha pikat kufitare nuk janë më shumë se 5 minuta.
/KlanKosova/
