Mediat serbe raportojnë se dy deputetët e Kuvendit të Serbisë, Miroslav Aleksiq dhe Aleksandar Jovanoviq Ćuta, kanë vizituar sot Zveçanin, shkruan Fol Drejt.
Nënkryetari i Partisë Popullore dhe lideri i Lëvizjes Kryengritja Ekologjike, Aleksiq dhe Cuta, kanë vizituar sot gjatë mesditës Zveçanin, ndërsa kanë qëndruar pranë ndërtesës së bllokuar komunale.
Siç deklaruan ata, kanë ardhur këtu për të mbështetur qytetarët që protestojnë për të katërtën javë. Me ta ishte edhe kryetari i Komitetit Krahinor të Partisë Popullore, Zharko Ristiq. Pas deklaratave të shkurtra për një numër më të vogël mediash, 4-5 qytetarë kanë reaguar dhunshëm, ndërsa pjesa tjetër e turmës i ka ndjekur me qetësi.
Që nga 29 maji, qëkur ndërmjet kryetarit të komunës dhe protestuesve qëndruan forcat e shumta policore dhe pjesëtarët e KFOR-it, pati mjaft tensione, e shpesh edhe eskalim të situatës.
Protestuesit, shumica prej të cilëve janë të punësuar në institucionet serbe në veri, pra pikërisht në këtë komunë, nuk i kanë mirëpritur këto ndryshime. Në anën tjetër, në komunë ka ende polici, ndërsa para tyre pjesëtarët e KFOR-it – në numër dukshëm më të vogël në krahasim me javën e kaluar.
Deputetët serbë sot kanë vendosur që personalisht t’u japin përkrahje qytetarëve të mbledhur, duke ardhur sot në mesditë para kësaj komune.
Ata kanë qarkulluar nëpër pjesët e rrethuara të ndërtesës së komunës në Zveçan, kanë përshëndetur disa nga qytetarët e mbledhur dhe më pas janë drejtuar te rrethoja e KFOR-it ku kanë dhënë deklarata të shkurtra.
Grupica okupljenih građana u Zvečanu verbalno je napala poslanike Skupštine RS @MiikiAleksic @zaopstanak @StrankaNarodna @CutaJovanovic pic.twitter.com/eL9Pd7PQjb
— KoSSev/Kosovo Sever portal (@KoSSevnews) June 20, 2023
Mirëpo, në fund të fjalimit të tyre para disa mediave – pati pak indinjatë, kur Aleksiq dhe Ćuta iu afruan demonstruesve të mbledhur me qëllim që të bisedojnë me ta.
Të paktën pesë qytetarë kanë sharë Aleksiqin dhe Ćutën, duke i akuzuar se kanë ardhur atje për të “mbledhur pikë politike”.
Të njëjtët qytetarë i kritikuan për sjelljen e tyre të keqe, siç thanë ata, në kohën kur “ishin pushtet”, por edhe se në këtë moment vetë qytetarët “nuk kanë nevojë për asnjë parti politike” dhe se “nuk duan mbështetje nga kush”.
Kishte edhe nga ata që i kritikuan se ishin ata që “e liruan Kurtin nga burgu dhe e dërguan Millosheviqin në Hagë”.
Qytetarët e tjerë të mbledhur e kanë parë me qetësi, e disa prej tyre i kanë përshëndetur dhe janë fotografuar me ta.
Deputetët serbë më pas janë nisur drejt Mitrovicë./FolDrejt/
