Ministri për Komunitete dhe Kthim në Republikën e Kosovës, Nenad Rashiq, ka thënë sot se situata në veri është delikate.
Për ngjarjet në veri të Republikës së Kosovës, Rashiq ka perifrazuar kryeministrin e Republikës së Kosovës, Albin Kurtin, duke thënë se pret që kryetarët e rinj të komunave të jenë në shërbim të të gjithëve.
“Për ngjarjet e ditëve të fundit, mendoj se janë bërë disa veprime të jashtëzakonshme. Kemi një krizë rajonale, gjëra të tilla delikate kërkojnë vëmendje të veçantë dhe konkretisht e kam fjalën për kryetarët e sapozgjedhur. Pres që kryetarët e komunave të jenë në shërbim të qytetarëve”, tha ministri Nenad Rashiq në konferencën për media, transmeton Fol Drejt.