Një nënë e shqetësuar që vuri re një skuqje të çuditshme në të gjithë trupin e djalit të saj gjashtëvjeçar në ditën e Krishtlindjes, doli të jetë me kancer.
Danielle Everson tregoi se djali i saj Kian ishte keq për Krishtlindje, por ajo fillimisht mendoj se ishte me grup ose me COVID-19.
Por ajo u drejtua në Google pasi vuri re se djali kishte shenja të vogla vjollce në trupin e tij dhe pa se mund të ishte një shenjë e leukemisë, shkruan Mirror, transmeton Klankosova.tv.
“Kian ishte me të vërtetë keq. Unë mendova se ishte ftohje ose COVID-19. Ai ishte i zbehtë, por për shkak se ai kishte bërë kikboks me vëllanë e tij binjak, mendova se gjithçka mund të ishte nga ajo”.
Danielle telefonoi një të afërm dhe tha “Unë mendoj se Kian ka kancer”, por iu tha “të mos besojë gjithçka që lexoni në Google”.
Ajo më në fund vendosi të shkojë tek mjeku dhe brenda dy orësh gjashtëvjeçari u diagnostikua me leukemi dhe tani është në javën e katër të kimioterapisë.
Danielle tha se ajo nuk ishte e befasuar nga diagnoza e djalit të saj pasi kishte kontrolluar simptomat e tij në Google dhe u lavdërua nga stafi i spitalit për zbulimin e hershëm të shenjave dhe veprimin e shpejtë.
“Ai është mirë, por ka filluar t’i humbasë flokët dhe shpesh ka dhimbje. Ne po shpresojmë që kimioterapi do ta bëjë punën e saj dhe do të reagojë mirë. Ai do të jetë me këtë terapi për tre vjet, kështu që është një proces i gjatë. Është stresuese. Vëllai binjak i Kian, nuk e kupton pse ne jemi në spital kaq shpesh”, tha nëna.
