Deputetja Mimoza Kusari Lila, njëherësh shefe e Grupit Parlamentar të Lëvizjes Vetëvendosje, ka thënë sot se edhe nëse Bashkimi Evropian vendos ta heq regjimin e vizave për Kosovën, kosovarët nuk do të mund të udhëtojnë deri në vitin e ardhshëm.
Megjithëse gjasat janë reale, sipas saj, dhe megjithëse janë “plotësuar të gjitha kushtet ndërsa varet nga një mekanizëm tjetër jashtë nesh për të përcaktuar procesin final të liberalizimit të vizave”.
Kusari për EO tha se duhet pasur parasysh faktin që edhe nëse ka ndonjë vendim pozitiv deri në fund të vitit, “liberalizimi ndodh tek vitin tjetër sepse është një procedurë kohore drejt shpërndarjes së materialeve natyrisht edhe çështjeve teknike që lidhen me sistemet kufitare e të gjitha vendeve që janë pjesë e sistemit, prandaj që të mos kemi ngritje të shpresave që në fund vit mund të udhëtohet pa viza kjo është një proces që së pari merret vendimi e pastaj fillon zbatimi i tij që merr edhe disa muaj kohë”, përcjell Fol Drejt.
Gjatë së hënës është raportuar se çështja e liberalizimit të vizave për Kosovën do të jetë në rend të ditës në takimin e grupit punues të Këshillit Evropian, më 13 tetor, konfirmojnë burimet diplomatike të BE-së në Bruksel./FolDrejt/
