Ministria e Bujqësisë, Pylltarisë dhe Zhvillimit Rural (MBPZhR), nëpërmjet një komunikate për media ka njoftuar se nesër nesër (dt. 21 mars), me fillim në ora 11:00, në bashkëpunim me Organizatën e Kombeve të Bashkuara për Ushqim dhe Bujqësi – FAO do të shënojnë Ditën Ndërkombëtare të Pyjeve me temën “Pyje të shëndetshme për njerëz të shëndetshëm”, transmeton Fol Drejt.
“Ngjarja do të zhvillohet në parkun e Gërmisë në Prishtinë me ç’rast do të ketë fjalime me rastin e shënimit të kësaj dite, nga Ambasadori i Suedisë në Kosovë, Zv. Ministri i Bujqësisë, Pylltarisë dhe Zhvillimi Rural, Zyra e BE-së në Kosovë, Koordinatorja për Zhvillim e OKB-së dhe përfaqësues të denjë të promovimit të vlerave pyjore në Kosovë, përfshirë Daut Demaku, Behare Bajraktari, Arian Mavriqi, e shumë të tjerë” – thuhet në njoftimin zyrtar.
Dita Ndërkombëtare e Pyjeve festohet çdo vit në mbarë botën më datë 21 Mars. Kjo datë u vendos nga Asambleja e Përgjithshme e Kombeve të Bashkuara në vitin 2012 me qëllim për të rritur ndërgjegjësimin për rëndësinë e pyjeve dhe përfitimet e shumta që mund të ofrojnë ato, duke përfshirë rregullimin e ajrit dhe të klimës, sigurimin e ujit të pastër, ruajtjen e biodiversitetit dhe shumë dobi tjera të aspektit mjedisor, social e ekonomik.
Dita Ndërkombëtare e Pyjeve është një ngjarje dhe mundësi e shkëlqyer për të promovuar aktivitete miqësore dhe praktika të qëndrueshme të menaxhimit të pyjeve. Çdo vit, kjo datë adreson një temë për të veçuar vlerat specifike pyjore. Tema e caktuar për vitin 2023 është “Pyje të shëndetshme për njerëz të shëndetshëm”.
Me këtë rast, FAO së bashku me Ministrinë e Bujqësisë, Pylltarisë dhe Zhvillimit Rural do të organizojnë një ngjarje publike për shënimin e 21 Marsit si Ditën Ndërkombëtare të Pyjeve, ku me përmes festimit do të theksohet rëndësia e pyjeve për shëndetin e popullatës dhe të mjedisit.
Në këtë ngjarje, e cila do të mbahet me 21 mars 2023 në Parkun e Gërmisë në Prishtinë, do të marrin pjesë përfaqësues të Qeverisë, nga zyra e Kryeministrit, Deputet të Kuvendit të Kosovës, Ministria e Bujqësisë, Pylltarisë dhe Zhvillimit Rural, Agjencia e Pyjeve të Kosovës, Zyra e BE-së në Kosovë, Ambasada e Suedisë në Kosovë, Koordinatorja për Zhvillim e OKB-së, ekipi i Programit për Pylltari zbatuar prej FAO-s, Përfaqësues të Komunës së Prishtinës, si dhe partnerë dhe palë të tjera të interesuara.
Pjesëmarrësit e kësaj ngjarje do të festojnë Ditën Ndërkombëtare të Pyjeve me fjalime rasti të përfaqësuesve të institucioneve që kanë përgjegjësi për pyjet, si dhe me një shëtitje dhe ngasje të biçekletave përgjatë shtigjeve të parkut të Gërmisë, Prishtinë. Gjithashtu, pjesëmarrësit do të kenë rastin të dëgjojnë fjalime motivuese lidhur me pyjet do të përcjellin mesazhet për rolin dhe ndikimin e pyjeve në shëndetin e njeriut dhe mirëqenien sociale./FolDrejt/
