Nesër, më datë 26 tetor 2023, me fillim nga ora 18:45, Ballkani e pret në stadiumin “Fadil Vokrri” në Prishtinë skuadrën Astana nga Kazakistani.
Kujtojmë se kjo është ndeshja e tretë e Grupit C në kuadër të UEFA Europa Conference League. Ballkani momentalisht është në vendin e dytë në grup me pikë të barabarta me Dinamo Zagrebin e cila është në vendin e tretë.
Në vendin e parë është klubi Viktoria Plzen, kurse në vendin e katërt i cili është edhe vendi i fundit në grup është Astana e cila nuk ka grumbulluar asnjë pikë në dy ndeshjet e mëhershme. /FolDrejt
