Sot Bujar Osmani merr pjesë në takimin e ministrave të punëve të jashtme në Procesin e Bashkëpunimit në Evropën Juglindore (PBEJL), i cili do të mbahet në Budva, shkruan Fol Drejt.
Ky takim ku do të marr pjesë Osmani, ministr i Punëve të Jashtme i Republikës së Maqedonisë, mbahet më pak se një muaj para marrjes formale të kryesimit nga Republika e Maqedonisë së Veriut.
“Pas seancës plenare, së bashku me përfaqësuesit e Treshes Kryesuese – Greqisë, Malit të Zi dhe Maqedonisë së Veriut – Osmani do të mbajë konferencë për media, ndërsa në margjinat e takimit ministror do të zhvillojë edhe takime dypalëshe me homologët e tij, nga vende anëtare të Iniciativës.
Procesi i Bashkëpunimit në Europën Juglindore është formuar në qershor të vitit 1996, me qëllim të thellimit të marrëdhënieve dhe bashkëpunimit ndërmjet vendeve të rajonit. Iniciativa synon krijimin e një rajoni të bazuar në demokraci dhe prosperitet ekonomik, si dhe integrim të plotë të kësaj pjese të kontinentit në strukturat europiane dhe euroatlantike” – thuhet në njoftimin e MPJ-së thonë nga MPJ.
Nga atje shtojnë se Maqedonia e Veriut është e përfshirë në Iniciativë që nga fillimi dhe ka kryesuar me atë në dy raste, 2000-2001 dhe 2012-2013. Përveç Maqedonisë së Veriut, anëtare janë Shqipëria, Bosnja dhe Hercegovina, Bullgaria, Greqia, Kosova, Moldavia, Rumania, Serbia, Sllovenia, Turqia, Kroacia dhe Mali i Zi./FolDrejt/
