Kryetari i Partisë Demokratike të Kosovës, Memli Krasniqi, ka thënë se nga vendimi që ka sjellë qeverisa për krizën energjetike s’është gjë tjetër pos shkëputje e rrymës për qytetarët e vendit.
“Nga vendimi që e keni sjellë krejt çka po kërkoni është shkëputja e rrymës për qytetarët e Kosovës”, ka thënë ai.
Ai ndër të tjera tha se ka më shumë se dy javë i ka si Parti Demokratike e Kosovës u kanë kërkuar qeverisë të vijnë me një vendim për shpalljen e gjendjes emergjente, por një vendim që bazohet në nenin 25 të ligjit për energji dhe që i përfshin të gjitha ato elemente që janë të nevojshme për të përballuar krizën “jo vetëm një çek të bardhë si thuhet për t’ua nal rrymën qytetarëve kurdo që e shohin të arsyeshme institucionet e qeverisë”.
“Fatkeqësisht deri tani nuk e kemi parë qeverinë as të tregojë vetëbesim për të ofruar zgjidhje e kur nuk ka zgjidhje atëherë më së lehti është me ba akuza”, ka thënë ai.
Sipas tij Kosova është kthyer në kohën e pasluftës me reduktime të rrymës.
“Të gjithë që jeni të pranishëm këtu, pavarësisht moshave që i keni, i takoni gjeneratave që e kanë në kujtesë një formulë me të cilën kemi jetu në Kosovën e pasluftës. 8 me 2, 6 me 4, 3 me 3 kjo është formula e reduktimeve të rrymës. Fatmirësisht pas vitit 2008 kjo formulë u harrua shpejt, Kosova u stabilizua me energji eklektike si në pranverë, si në verë, si në vjeshtë, ashtu edhe në dimër dhe natyrisht që ai stabilitet nuk ka qenë dhuratë as rrjedhojë e parullave ka qenë manifestim i menaxhimit për të lexuar me kohë trendet e energjisë”, ka shtuar ai.
Sipas tij kryeministri aq seriozisht e ka marrë këtë çështje saqë nuk merr pjesë në këtë seancë.
“Kryeministri që tri-katër ditë po mundohet me hek një vesvese, dhe po më vjen keq që kaq e merr seriozisht çështjen aktuale saqë s’vjen as sot me arsyetu vendimin e tij”, ka vazhduar ai.
Ai tha se kryeministrit i ka dalë gjumi tre muaj me vonesë, pasi sipas tij Shqipëria më tre tetor ka shpallur gjendje emergjente,
Në Shqipëri më tre tetor është shpallur gjendje e jashtëzakonshme, e këtu vjen tre muaj më vonë. kryeministri ynë u zgjua nga gjumi tre muaj me vonesë dhe këtë çështje po e trajton me statuse të Facebookut”, ka shtuar ai.
Ai tha se partia e tij do t’i mbështes vetëm vendimet e tilla si sigurimi i furnizimit të energjisë dhe moslejimin e rritjes së çmimeve të energjisë.
“Ne sot prapë duke qenë opozitë ju themi mbështetjen do ta keni për dy çështje, sigurojnë furnizim me energji për qytetarët e Kosovës dhe nuk lejojnë rritjen e çmimit të energjisë, për gjëra tjera do të jemi kundër dhe nuk do të keni asnjëherë mbështetje”, ka përfunduar ai./ Klankosova.tv
