Mediet gjermane kanë shkruar se Ministria e Shëndetësisë së Belgjikës ka thënë se njësitë e kujdesit intensiv po luftojnë për të përballuar valën e tretë të infeksioneve nga koronavirusi, prandaj i ka kërkuar ndihmë Gjermanisë për trajtimin e pacientëve, sipas një zyrtari belg të Shëndetësisë.
Vlen të theksohet se Gjermania kishte pranuar pacientë me koronavirus nga Belgjika në nëntor të vitit të kaluar.
Edhe në fillim të kësaj jave, Gjermania pranoi sërish pacientë që vuanin nga COVID-19, të cilët u dërguan në një qytet të afërt kufitar.
“Gjermania është përgatitur të marrë përsipër pacientët”, ka thënë zyrtari belg, Marcel Van der Auwera.
Ai tha se personeli i spitalit në Belgjikë ishte “i rraskapitur dhe se kishin dalë prej vetes së tyre”.
Po ashtu, Van der Auwera shtoi se kishte vetëm 82 shtretër aktualisht në dispozicion në njësitë e kujdesit intensiv në të gjithë vendin.
Ndërkohë, kryeministri Alexander De Croo konfirmoi të premten se restorantet dhe kafenetë do të rihapnin tarracat e jashtme nga 8 maji, me katër persona të lejuar në tryezë.
