Ne mund të kemi plot vërejtje për Albin Kurtin si kryeministër e si politikan, mund ta gjykojmë për mungesë pragmatizmi politik, për mungesë fleksibiliteti në diplomaci, mund të themi çka të duam, por askush nuk mund ta kontestojë se atë që e thotë Albini është e drejta dhe e vërteta shqiptare. Nëse shteti nuk ka sovranitet, ai nuk është shtet.
Nga Ramiz Duka
Këto ditë, kur Serbia dëshiron luftë dhe ushtron agresion mbi Kosovën, ndërsa aleatët tanë perëndimorë vazhdojnë ta marrin me të mirë, duke shpresuar se ashtu e tërheqin nga Rusia, ajo që i duhet kombit tonë është vetëm uniteti dhe asgjë tjetër.
Ne mund të kemi plot vërejtje për Albin Kurtin si kryeministër e si politikan, mund ta gjykojmë për mungesë pragmatizmi politik, për mungesë fleksibiliteti në diplomaci, mund të themi çka të duam, por askush nuk mund ta kontestojë se atë që e thotë Albini është e drejta dhe e vërteta shqiptare. Nëse shteti nuk ka sovranitet, ai nuk është shtet.
Prandaj, në këtë kohë të gjithë duhet të jemi me Albinin, sepse sot Albin e ka emrin drejtësia për Kosovën.
Kur para disa viteve Albin Kurti e kundërshtonte Gjykatën Speciale, edhe atëherë kishte njerëz që e akuzonin se është “i padëgjueshëm”, por sot të gjithë janë bindur se ai kishte të drejtë. Kjo është edhe një arsye të themi se nëse i besojmë patriotizmit të Albinit, duhet t’i besojmë se gjithçka që ai bën, e bën për të mirë të atdheut, të Kosovës sonë.
Andaj, vëllezër e motra, t’i lëmë sot ndarjet krahinore, politike, fetare e ideologjike, por të bashkohemi të gjithë për interesin e përbashkët kombëtar, sepse në këto çaste – kur e kemi përpara armikun – duhet t’ia ruajmë shpinën njëri-tjetrit e jo ta ruajmë shpinën prej njëri-tjetrit.
Sot edhe unë jam Albin Kurti!
Sot të gjithë jemi Kosovë!
