Ministria ruse e Mbrojtjes thotë se rezervistët e rinj të mobilizuar kanë filluar trajnimet ushtarake në regjionin Kaliningrad në bazën e Batalionit Baltik.
“I gjithë personeli ushtarak i mobilizuar respekton standardet për të shtënat nga armët e vogla. Për më tepër, qytetarët e thirrur rezervistë rivendosin aftësitë e tyre në funksionimin dhe mirëmbajtjen e armëve, pajisjeve ushtarake speciale”, thotë kjo ministri në kanalin e tyre në Telegram, raporton France24.
Ushtrimet po mbahen për të përgatitur personelin ushtarak për veprime në fushëbetejë. Presidenti rus, Vladimir Putin, urdhëroi në javën e kaluar mobilizimin e parë ushtarak që nga Lufta e Dytë Botërore, për të dërguar qindra mijëra njerëz në luftën në Ukrainë, transmeton Klankosova.tv.
Rusia ka prezencë të madhe ushtarake në Kaliningrad – enklavë ruse e vendosur midis Polonisë dhe Lituanisë – përfshirë raketa me kapacitet nuklear.
