BBC raporton se Koreja e Veriut dhe ajo e Jugut kanë lëshuar për herë të parë raketa në ujërat e brigjeve të njëra-tjetrës, transmeton Fol Drejt.
Ishte i pari Pheniani i cili goditi me një raketë, 60 km larg nga qyteti jugor Sokcho, ndërsa përgjigja nga ana e Seulit ishte e menjëhershme. Sipas jugorëve, kjo ishte një shkelje drastike nga ana e veriut.
Më saktësisht jugu lëshoi tri raketa ajër-tokë në përgjigje, të cilat zyrtarët thanë se u ulën në një distancë të ngjashme përtej vijës kufitare veriore (NLL). Nga ana tjetër Koreja e Veriut goditi me të paktën 10 raketa në drejtimet lindore dhe perëndimore të mërkurën, thonë zyrtarët e Koresë së Jugut.
Linja e demarkacionit shënon pikën e përafërt në mes të rrugës në det midis Koresë së Veriut dhe Koresë së Jugut, por Veriu nuk e ka pranuar kurrë kufirin.
Ajo vjen një ditë pasi Veriu kërcënoi SHBA-në dhe Korenë e Jugut për stërvitjet e tyre të përbashkëta ushtarake, duke thënë se “SHBA dhe Koreja e Jugut do të duhet të përballen me një rast të tmerrshëm dhe të paguajnë çmimin më të tmerrshëm në histori”.
Ekziston shqetësimi se udhëheqësi i Koresë së Veriut Kim Jong-un mund të jetë duke përgatitur terrenin për testin e parë të armëve bërthamore në pesë vjet.
Të paktën një nga raketat e Koresë së Veriut, e lëshuar para orës 09:00 (00:00 GMT) të mërkurën, u ul rreth 26 km në jug të kufirit, 57 km në lindje të Sokcho dhe 167 km në veri-perëndim të ishullit Ulleung.
Raportimet flasin për një përshkallëzim të rëndë raportesh./FolDrejt/
