Ish nënkancelari i Austrisë, Heinz Strache, ishte kryetar i partisë së djathtë populliste FPÖ dhe i njohur për retorikën e tij anti-islame dhe kundër pavarësisë së Kosovës.
Gjithë fushata e tij është drejtuar kundër myslimanëve dhe siç e quante ai me patetizëm – “kundër islamit” politik dhe “terrorizmit islamik”. Përveç një mosdurimi ndaj fesë islame Strache shquhej edhe kundër pavarësisë së Kosovës dhe e quante shpesh Serbinë një vend “shumë të mirë” ku ai është më i popullarizuar sesa Putini, informon foldrejt.com. Ai edhe është i martuar me një serbe Tajana Tajçiq.
Ajo që duhet të dimë ne si lexues, është se Strache tashmë edhe zyrtarisht është vërtetuar se paguhet nga Rusia e Vladimir Putinit dhe jo më kot, ai mbështet sovranitetin e Serbisë mbi Kosovën, por në të njëjtën kohë mbron edhe aneksimin rus jo vetëm mbi Krimenë por edhe mbi Ukrainën Lindore.
Tashmë shihet e qartë se Rusia duke qëndruar pas popullistëve europianë, jo vetëm që rrezikon muslimanët dhe shqiptarët në kontinentin plak, por edhe vetë Bashkimin Europian.
Strache bindi Austrinë për të mbështetur ndarjen e Kosovës?
Ideja e ndarjes së Kosovës, mbështetej nga qeveria e re austriake mes ÖVP dhe skeptikëve europianë FPÖ. FPÖ e Straches prej në 2013, në planprogramin e saj të politikës së jashtme parashihte kufij të ri mbi Ballkanin, përcjell foldrejt.com, shkrimin e mëparshëm të Der Standard.
“Për të pasur një paqe afatgjate mbi Ballkanin, duhet të ketë tërheqje të reja kufitare si dhe shkëmbim territoresh,” përcjell foldrejt.com, paragrafin e politikës së jashtme të FPÖ në 2013.
FPÖ në fakt është mbështetëse e radikalëve serbë, ku lideri i saj Heinz Strache takohet shpesh dhe miqësisht me Milorad Dodik. Ata nuk e dinë ose bëjnë sikur nuk e dinë se shkaku i kërkesës së shteteve etnikisht homogjene solli vrasjen e rreth 100.000 njerëzve në fund të shekullit të kaluar në Ballkan./Foldrejt.com
