Humbja e kilogramëve të tepërt është një problem për shumë njerëz, por ata nuk janë as të vetëdijshëm se pa e ditur po sabotojnë humbjen e peshës me disa nga zakonet e tyre të përditshme.
Siç raporton portali Eat This, dietologia Tammy Lakatos Shames zbuloi një zakon që na pengon të humbim kilogramët dhe të arrijmë peshën e dëshiruar. Bëhet fjalë për heqjen e plotë të karbohidrateve nga dieta, përcjell Fol Drejt.
Edhe pse mund të mendoni se absolutisht të gjitha karbohidratet janë të këqija kur bëhet fjalë për humbjen e peshës, një dietologe shpjegon se kjo nuk është aspak e vërtetë.
Përkatësisht, karbohidratet mund të jenë shumë të mira për shëndetin tonë, por eliminimi i plotë i tyre mund të shkaktojë pikërisht efektin e kundërt, pra të çojë në shtim në peshë.
Karbohidratet janë si lëndë djegëse për trurin dhe muskujt tuaj, dhe kur i hiqni ato, nuk është e pazakontë të ndiheni të lodhur dhe të keni dëshira të forta për karbohidrate ose sheqer, sepse truri dhe trupi juaj kanë nevojë për një rikuperim të shpejtë.
Kjo shpesh rezulton në të ngrënit të tepërt nga ushqimet që po përpiqeni t’i shmangni”, shpjegon dietologia.
”Për të parandaluar që kjo të ndodhë, kushtojini vëmendje se si ndiheni kur hiqni karbohidratet nga vakti juaj. Ndiheni të lodhur më vonë apo kjo çon në teprime? Nëse po, bëni një përpjekje të vetëdijshme për të përfshirë një sasi të vogël të karbohidrateve të shëndetshme në çdo vakt”, shton ajo./FolDrejt/
