Ushtari izraelit në pension Yair Barak i dorëzoi çelësat e Portës Al-Aksa, të cilat ai i vodhi gjatë okupimit izraelit në vitin 1967. Ai çelësat ia dorëzoi Autoritetit të Vakëfeve Islamike në Al-Quds/Jerusalem.
Autoriteti për Vakëfet Islamike në Jerusalem publikoi fotografi që tregojnë Barakun duke i dorëzuar çelësin Sheikh Azzam al-Khatibit, drejtorit të Autoritetit.
Barak tha me atë rast se i mori çelësat 56 vjet më parë kur hyri në kompleksin Al-Aksa me ushtrinë izraelite.
“Vite më vonë, pata një ndjenjë të pakëndshme për këtë. Vendosa që nuk kam të drejtë ta mbaj çelësin dhe t’ua kthej pronarëve të ligjshëm”, tha Barak.
“Tani jam këtu dhe e kam kthyer çelësin që vodha. Ajo iu kthye pronarëve të ligjshëm. Izraeli gjithashtu duhet ta bëjë këtë, duhet t’u japë palestinezëve tokën e tyre, të drejtat e tyre, respektin, pavarësinë, lirinë dhe sigurinë e tyre”, tha Barak.
Ai shtoi se mendon se ka bërë një gjë të madhe duke ia kthyer çelësin Al-Aksa-s dhe shpreson se lëvizja do të ketë një ndikim pozitiv te njerëzit dhe do t’i bëjë ata të mendojnë për realitetin aktual.
Ushtria izraelite pushtoi Al-Quds/Jerusalemin Lindor në 1967 pas Luftës gjashtë ditore. Në vitin 1980, Izraeli shpalli në mënyrë të njëanshme pushtimin e të gjithë Al-Kuds/Jeruzalemit, i cili nuk u njoh nga komuniteti ndërkombëtar dhe trajtohet si një okupim i paligjshëm sipas ligjit ndërkombëtar, transmeton Fol Drejt.
