Të paktën 2,670 palestinezë, një e katërta e tyre fëmijë, janë vrarë nga sulmet ajrore izraelite.
Numri i izraelitëve të vrarë në operacionin ushtarak të Hamasit është 1,400, duke përfshirë 286 ushtarë, thotë Al Jazeera, transmeton Fol Drejt.
Zyrtarët shëndetësorë të Gazës po i ruajnë trupat e palestinezëve të vrarë nga sulmet ajrore izraelite në kamionë – ngrirës akulloresh, sepse transferimi i tyre në spitale është shumë i rrezikshëm dhe varrezave u mungon hapësira.
Ekipet ushtarake mjeko-ligjore në Izrael ekzaminuan trupat e viktimave të sulmit të Hamasit të javës së kaluar ndaj komuniteteve rreth Rripit të Gazës dhe gjetën shenja të shumta torture, përdhunimi dhe mizori të tjera, thanë oficerët.
Rezervat e karburantit në të gjitha spitalet në të gjithë Rripin e Gazës pritet të zgjasin vetëm rreth 24 orë të tjera, tha të hënën zyra humanitare e Kombeve të Bashkuara (OCHA).
Kalimi Rafah në Gazën jugore do të hapet vetëm për “disa orë” të hënën në (06:00 GMT) dhe më pas do të mbyllet përsëri në orët e vona të pasdites, raporton kanali televiziv amerikan ABC.
Palestinezët janë të dëshpëruar për të gjetur një vend të sigurt për t’u fshehur, por udhëtimi në jug është gjithashtu i mbushur me rreziqe. Hamasi u ka thënë njerëzve që të mos largohen dhe thotë se rrugët janë të pasigurta.
Disa kolona civilësh palestinezë janë sulmuar ndërsa pamjet tronditëse janë shpërndarë edhe në rrjetet sociale.
Ajo çfarë është duke ndodhur në Palestinë, është një gjenocid dhe se Izraeli duhet të ndëshkohet për krime kundër njerëzimit, tha ditë më parë eurodeputeti irlandez Richard Boyd Barrett./FolDrejt/
