Gjykata Themelore në Prishtinë ia ka caktuar masën e paraburgimit me nga një muaj, dy të dyshuarve për rastin e kopshtit “Gëzimi Ynë” në Fushë Kosovë, të cilat dyshohet se ushtruan dhunë ndaj 3-vjeçarit.
Lajmin për Front Online e ka konfirmuar zëdhënësja e Gjykatës Themelore në Prishtinë, Mirlinda Gashi.
“Po dy të dyshuarve u është caktuar masa e paraburgimit me nga një muaj”, ka thënë ajo për Front Online.
Në lidhje me ngjarjen, Inspektorati i Arsimit këtë të mërkure ka nxjerr vendim për suspendimin e tri punëtorëve të “Gëzimi Ynë”, ku në mesin e tyre dy janë edukatore dhe një kuzhiniere.
Po ashtu, Inspektorati i Arsimit ka obliguar drejtorinë komunale të Arsimit në Fushë Kosovë që të merr masa disiplonre ndaj drejtoreshës së institucionet parashkollor.
