Frank Lampard pati një karrierë të mirë futbolli, gjatë së cilës fitoi shumë trofe dhe u bë golashënuesi më i mirë në historinë e Chelsea, megjithëse ishte mesfushor.
Megjithatë, si trajner ishte në nivel shumë më të ulët. Pasi stazhi i tij i parë në Chelsea (2019 – 2021) përfundoi me shkarkimin e tij për shkak të rezultateve të dobëta, ai u shkarkua nga Everton në janar të këtij viti për të njëjtën arsye pa zgjatur as një vit.
Ai mori një shans të ri një muaj më parë te Chelsea pasi Graham Potter u shkarkua, por Lampard ka pasur një ecuri katastrofike. Humbja ndaj Arsenalit në kampionat (3:1) do të thotë se ai i ka humbur të gjashtë ndeshjet që nga kthimi në Chelsea.
Duke qenë se ai është mposhtur në katër ndeshjet e fundit te Everton, kjo do të thotë se ai ka humbur të 10 ndeshjet e tij të fundit si trajner. Kështu ai u bë trajneri i parë anglez i një klubi të divizionit të parë që u mposht në 10 ndeshje radhazi që nga Arthur Cox në Derby në vitin 1988, transmeton Fol Drejt.
