Pas vizitës në Kinë, presidenti francez Emmanuel Macron tha se Evropa duhet të bëhet një fuqi botërore që nuk mbështetet në ShBA dhe nuk kryen politikën e saj. Pas fjalimit të tij, ka mbërritur përgjigja e senatorit republikan amerikan Marco Rubio, raporton Klix, përcjell Fol Drejt.
Presidenti francez tha se Evropa nuk duhet të intensifikojë konfliktin në lidhje me Tajvanin, por duhet të bëjë politikën e saj në mënyrë të pavarur nga ShBA-ja dhe Kina.
“Gjëja më e keqe do të ishte nëse ne europianët duhet të jemi ndjekës në këtë çështje dhe të përshtatemi me ritmin amerikan apo ekzagjerimin kinez”, tha Macron për Politiko.
Pas deklaratës së tij, një nga politikanët më me ndikim amerikan, senatori republikan nga Florida, Marko Rubio, foli. Ai tha se, nëse Macron flet në emër të të gjithë Evropës, ShBA-ja mund të largohet nga Evropa për t’u marrë vetë me Ukrainën, në mënyrë që Amerika të mund të fokusohet në çështjen e Tajvanit dhe se ShBA-ja “do të kursejë shumë para”.
“Me faktin se Macron po luan superfuqi dhe po dërgon trupa në Afrikën e Veriut për të luftuar terroristët, por ai as nuk mund t’i dërgojë atje. Ne duhet t’i çojmë ata atje dhe t’i kthejmë,” tha Rubio.
Ai theksoi se e gjithë Evropa, veçanërisht Franca, ka 70 vjet që mbështetet në mbrojtje të ShBA-së.
“Është një kohë e mirë për të pyetur nëse Macron foli në emër të gjithë Evropës, sepse Kina është shumë entuziaste për fjalët e tij”, tha ai. /FolDrejt/
