Një pllakë guri 2800-vjeçare u ekspozua në Irak, pasi Italia e ktheu atë pas gati katër dekadash, raportojnë mediat e huaja, përcjell Fol Drejt.
Një pllakë guri 2800-vjeçare është ekspozuar në Irak pasi Italia e ktheu atë pas gati katër dekadash, raportoi sot BBC.
Artifakti është shkruar në tekst kuneiform – sistemi i shkrimit të alfabetit të lashtë babilonas.
Autoritetet italiane ia dorëzuan atë presidentit irakian Abdul Latif Rashid në Bolonjë javën e kaluar.
Nuk dihet si u gjet pllaka dhe as si arriti në Itali, ku policia e sekuestroi në vitet 1980.
Ministri i Kulturës irakian Ahmed Badrani tha se mund të jetë gjetur gjatë gërmimeve arkeologjike të Digës së Mosulit, e cila u ndërtua rreth asaj kohe.
Iraku, i cili shpesh cilësohet si “djepi i qytetërimit”, njihet ndër të tjera edhe për shkrimin e parë në botë.
Grabitja e antikiteteve të vendit është intensifikuar që nga pushtimi i udhëhequr nga ShBA 20 vjet më parë.
Presidenti irakian vlerësoi bashkëpunimin e Italisë dhe tha se do të punojë për kthimin e të gjitha pjesëve arkeologjike të historisë së Irakut nga jashtë. /FolDrejt/
