Gazeta gjermane Bild ka ekspozuar një skandal të madh që trondit Bayern Munichun dhe bëhet fjalë për një sherr fizik të ndodhur mbrëmjen e djeshme në dhomën e zhveshjes, raporton Klix, përcjell Fol Drejt.
Bayerni u mposht si asnjëherë më parë nga Manchester City (3:0), dhe u kuptua gjatë 90 minutave se kjo nuk është skuadra që ka vite që terrorizon rivalët e saj në Champions League.
Bild raportoi sot një lajm tronditës për të gjithë tifozët, konkretisht se një përleshje ndodhi në dhomën e zhveshjes së Etihad Stadium menjëherë pas humbjes nga Manchester City. Për t’i bërë gjërat edhe më interesante, aktori i konfliktit është njeriu që më së paku do ta mendonit të përfshirë në të – Sadio Mane.
Senegalezi, i cili njihet për temperamentin e tij të qetë dhe sjelljen e shkëlqyer brenda dhe jashtë fushës, humbi durimin dhe, sipas Bild, sulmoi fizikisht Leroy Sane.
Në minutën e 83-të të takimit, dyshja u debatuan në fushë pasi Mane nuk ia kaloi topin Sanes. Sane ishte indinjuar me shokun e tij të skuadrës dhe një debat i ashpër shpërtheu në fushë.
Nuk mbaroi me kaq. Bild thekson se në dhomën e zhveshjes Mane filloi menjëherë të inatosej si i drejtohej shoku i skuadrës në fushë dhe e humbi durimin aq shumë sa në një moment e goditi Sanen me grusht në gojë.
Bayerni nuk ka dashur të komentojë, por nëse është e vërtetë, do të ishte një tjetër shenjë se Allianz Arena po shndërrohet në një “tenxhere me presion” që rrezikon të shpërthejë. /FolDrejt/
