Fundjavën e kaluar, natën e së shtunës në të dielën, 19-vjeçarja Milena O. u përdhunua dhe u vra në qytetin Bramsche në provincën gjermane të Saksonisë së Poshtme, 20-vjeçari Joel G., dyshohet për vrasjen e saj.
Milena ishte në festë dhe filloi kërkimi për të pasi të tjerët vunë re se ajo ishte zhdukur për një kohë të gjatë, përcjell Fol Drejt.
Ajo u gjet e plagosur rëndë në një livadh, por shpejt vdiq nga plagët e marra. Autopsia zbuloi se ajo ishte përdhunuar dhe vrarë dhe 20-vjeçari Joel është arrestuar, shkruajnë mediat gjermane.
Natën e së shtunës deri të dielën, rreth 150 njerëz u mblodhën për një festë ditëlindjeje në Bramsche. Rreth orës 1:30 Milena u raportua e zhdukur. Disa të ftuar kanë shkuar në kërkim dhe një orë më vonë kanë gjetur 19-vjeçaren të plagosur rëndë.
Ata u përpoqën ta ndihmonin, por ajo vdiq nga plagët e marra. Paraditen e së dielës, një 20-vjeçar u arrestua si i dyshuar për vrasje.
Ai u soll para gjykatës dje, por nuk donte të pranonte fajësinë. Policia nuk ka dhënë detaje të tjera për të kaluarën e Milenës. Ajo dhe Joeli supozohet se e njihnin njëri-tjetrin./FolDrejt/
