Sot në autostradën Ibrahim Rugova ka ndodhur një vetaksident me fatalitet, shkruan Fol Drejt.
Vetaksidenti ka ndodhur rreth orës 13:30, ku si pasojë ka humbur jetën një person si dhe katër të tjera janë lënduar.
Lajmin për klankosova.tv e ka konfirmuar zëdhënësi i Policisë së Kosovës, Bajram Krasniqi.
“Sot, më 19.08.2022, rreth orës 13:30, në autostradë drejtimi Vërmicë-Gjurgjicë (kilometri i 56-të), ka ndodhur një aksident trafiku. Në aksident është përfshirë vetëm një veturë (vet-aksident). Si pasojë e aksidentit një person ka humbur jetën dhe katër të tjerë kanë pësuar lëndime. Policia dhe ekipe tjera kanë dalë në vendngjarje”.
