Në lidhje me karakterin e shqiptarëve, krahas mikpritjes, gjakmarrjes, diçka tjetër që rëndom e vërejnë albanologët e huaj është edhe ambicia e tepruar, informon foldrejt.com.
“Ambicia personale shumë të zhvilluar që kanë shqiptarët mund të quhet smirë. Shumë herë ajo degjeneron në urrejtje kundër atyre, që janë ekonomikisht më mirë. Shumë herë qëllon, që dikush vret tjetrin, se është më i pasur. Me këtë veprim hyn në gjak dhe shkatërron veten dhe familjen e tij, se nuk e peshon. Ka raste kur vepron intriga. Edhe për këtë kemi prova si më vonë.
Një njëri nga Tuzi ndërtoi një shtëpi të bukur të mobiluar si në Evropë dhe zgjoi kështu smirën e bashkëfshatarëve. Një ditë harroi se kaloi përmes Tuzit me pushkë të gjatë dhe revole. Administrata turke i konfiskoi armët dhe e dënoi të paguante dy dhi por, në fund Gjykata osmane ia zbriti dënimin për të paguar vetëm një okë miell dhe dy enë me mjaltë. Por kjo mjaftoi për të nisur talljen bashkëfshatarët, se kishte pranuar që xhandarët t’i merrnin armët dhe kjo i bëri kaq përshtypje, sa mendonte ditë e natë ç’të bënte për të larë turpin, që i ishte bërë. Me gjithë këshillat e disa miqve të vërtetë, shkoi dhe vrau një ushtar dhe u arratis. Shtëpinë ia dogjën dhe familja i mbeti rrugëve. I çarmatosuri shpëtoi nderin, por intrigantët ia arritën qëllimit”./Foldrejt.com
Vërejtje: Për më tepër lexoni librin “Fiset e Malësisë së Shqipërisë Veriore dhe e drejta zakonore e tyre”- Franc Nopca.
