Ministri i Shëndetësisë, Rifat Latifi, është takuar sot me homologen e tij norvegjeze, Ingvild Kjerkol.
Latifi fillimisht e falënderoi Kjerkol në emër të institucioneve dhe popullit të Kosovës për gjithë mbështetjen e ofruar nga shteti norvegjez për Kosovën, dhe në veçanti për përkrahjen e ofruar për përballimin e pandemisë COVID-19.
Kjerkol, nga ana e saj, pasi shprehu vullnetin dhe gatishmërinë për thellim të mëtejmë të bashkëpunimit ndërmjet dy ministrive, shfaqi interes në veçanti për projektin e sistemit dhe qendrës së emergjencës e traumës, Kujdesin Primar Shëndetësor si dhe edukimin e vazhduar professional të personelit shëndetësor.
Latifi e ftoi ministren që të vizitojë Kosovën dhe Ministrinë e Shëndetesisë në një të ardhme të afërt./FolDrejt/
