Trajneri i Liverpool-it, Jurgen Klopp, ka shprehur sërish zhgënjimin e tij për kritikat ndaj mbrojtësit Trent Alexander-Arnold, shkruan Goal.com, përcjell Fol Drejt.
Klopp i është përgjigjur komenteve të bëra nga eksperti televiziv dhe ish-mbrojtësi i Man Utd, Gary Neville për Alexander-Arnold. Ish lojtari i djajve të kuq ka thënë se nuk e kupton sesi menaxheri i Anglisë, Gareth Southgate mund t’i besojë mbrojtësit të krahut në një ndeshje me eliminim direkt për shkak të mangësive të tij në mbrojtje, gjë që ka sjellë një përgjigje të fortë nga trajneri i Liverpool-it.
“Dëgjova Gary Neville të thoshte diçka [për Trentin]. Por ai tani është 24 vjeç dhe fitoi mjaft finale, ndeshje të rëndësishme ku duhet të mbrohesh kundër lojtarëve të klasit botëror,” u tha ai gazetarëve. Ai ishte gjithmonë aty, duke u mbrojtur mirë. Nuk e di pse e kemi këtë diskutim”.
Alexander-Arnold është emëruar në skuadrën e Anglisë për Kupën e Botës, por mbetet për t’u parë se sa kohë do të luajë ai në Katar. Southgate shpesh e ka anashkaluar mbrojtësin e Liverpool-it, por nuk ka opsione në krahun e djathtë me Reece James që ka mbetur jashtë botërorit për shkak të lëndimit, ndërsa aftësia e Kyle Walker është në dyshim pasi ai iu nënshtrua një operacioni në ijë në tetor.
Alexander-Arnold (9.5) ka mesatarisht më shumë pasime progresive për 90 minuta se çdo lojtar tjetër në Premier League këtë sezon (min. 180 minuta).
Reds presin Southampton në Premier League të shtunën. /FolDrejt/
