Pasi parlamenti në Shqipëri votoi kundër rezolutës për “Njohjen e gjenocidit të Srebrenicës, në Bosnje e Hercegovinë”, në Kosovë, kanë plasur reagimet në rrjetet sociale, transmeton Fol Drejt.
Ky akt u cilësua si i turpshëm nga ana e parlamentit shqiptar.
51 deputetë votuan kundër saj. Deputeti Sali Berisha e përshkruajti aktin si votim “sipas urdhrit të Aleksandër Vuçiqit.”
Por reagimet në Kosovë, qenë edhe më të ashpra:
“Merreni me mend: deri edhe vet Parlamenti i Sërbisë, më 30 mars 2010 ka miratuar një rezolutë që e dënon masakrimin e më shumë se 7 mijë boshnjakëve në Srebrenicë, e Parlamenti i Shqipërisë paska refuzuar sot miratimin e një rezolute që dënon gjenocidin në Srebrenicë. Ky refuzim është ekstra ultra super skandal” – shkroi në murin e tij analisti Shkëlzen Gashi.
Të një mendjeje me të ishin edhe shumë të tjerë.
“Pasi Kuvendi i Shqipërisë refuzoi rezolutën që njeh gjenocidin serb në Srebrenicë, në seancën e radhës do miratohet Rezoluta për rrëmujën në Balkan.
Ky refuzim që bëri sot Kuvendi i Shqipërisë, do të ketë pasoja të mëdha edhe për Kosovën. Nëse për parlamentarët e Shqipërisë nuk ka pas gjenocid në Srebrenicë, fakt i pranuar edhe nga Gjykata Ndërkombëtare e Drejtësisë dhe nga rezolutat e Senatit e Kongresit të SHBA, a mund të kaloj një rezolutë e tillë për gjenocidin serb në Kosovë?” – ka pyetur Agron Demi.
Munir Basha, ndërkaq, i jep në mënyrë të tërthortë një përgjigje Demit:
“Ata që e mohojnë gjenocidin serb ndaj Boshnjakëve në Srebrenicë, të vërtetuar me vendim të GjND-së, e mohojnë edhe gjenocidin serb ndaj Shqiptarëve në Kosovë !
“Kartonin e kuq” e meritojnë faqezinjët e kuqë!”
Liridon Kurti, një aktivist i shoqërisë civile e ka cilësuar si “turp”, ndërsa reagimet kanë vazhduar gjatë.
Gjenocidi i Srebrenicës, i njohur ndryshe si Tragjedia e Bosnjës, është një krim lufte i kryer në korrik të vitit 1995 në Bosnje dhe Hercegovinë, ku u vranë më shumë se 8,000 boshnjakë muslimanë, kryesisht burra dhe djem të moshës 12 deri 77 vjeç.
Shumë vende e institucione ndërkombëtare, ndërsa Shqipëria mbetet në radhë me ato të paktat, që nuk e kanë dënuar gjenocidin./FolDrejt/
