Asambleja e Përgjithshme e OKB-së ka votuar që Republika Çeke të zëvendësojë Rusinë në organizmin kryesor të të drejtave të njeriut të organizatës botërore pas pezullimit të Moskës mbi akuzat për shkelje të të drejtave nga ushtarët e saj në Ukrainë.
Republika Çeke ishte kandidati i vetëm për vendin në Këshillin e të Drejtave të Njeriut prej 47 anëtarësh.
Vendet në panelin me bazë në Gjenevë janë të ndara midis grupeve rajonale dhe një zëvendësim për Rusinë duhej të vinte nga një vend i Evropës Lindore, raporton Sky News, transmeton Klankosova.tv.
Në votimin e fshehtë të së martës, 180 nga 193 anëtarët e Asamblesë së Përgjithshme depozituan fletëvotimet, ku rezultati ishte 157 vende në favor të Republikës Çeke dhe 23 abstenime.
Asambleja miratoi një rezolutë të iniciuar nga ShBA-ja më 7 prill për të pezulluar Rusinë nga Këshilli i të Drejtave të Njeriut.
