I pari i Partisë Demokratike të Kosovës (PDK), Memli Krasniqi, ka thënë se varianti Omicron e ka gjetur të papërgatitur Qeverinë Kurti.
“Vetëm dje patëm 4 mijë e 397 raste të reja me COVID, numër ky që vetëm për një ditë të vetme rezulton më shumë të infektuar në total sesa numri i të infektuarve marrë së bashku ndonjëherë edhe për disa muaj me radhë gjatë viteve të kaluar. Vetëm një muaj mbrapa kishim vetëm 12 raste pozitive, për një muaj patëm një rritje eksponenciale të rasteve me mbi 36 mijë %”, tha ai.
Sipas tij, varianti Omicron e ka zënë në befasi qeverinë.
“Vendi ynë është përfshirë në një valë të re të pandemisë, dhe kjo është shqetësuese. Më së pari është shqetësim sepse nuk po duhet shqetësim për qeverinë”, tha Krasniqi.
Ai në vijim e kritikoi qeverinë për masat të cilat i ka marr, duke thënë se disa prej tyre po i japin “konotacion mitik” virusit./FolDrejt/
